ప్రస్తుతం థియేటర్లలో సత్తా చాటుతుంది సంక్రాంతికి వస్తున్నాం సినిమా. సంక్రాంతి పండగ సందర్భంగా జనవరి 14న విడుదలైన ఈ సినిమాకు మంచి రెస్పాన్స్ వస్తుంది. డైరెక్టర్ అనిల్ రావిపూడి డైరెక్షన్, వెంకటేశ్ యాక్టింగ్ ప్రేక్షకులను ఆకట్టుకుంటుంది. తాజాగా ఈ సినిమా చాలా చోట్ల బ్రేక్ ఈవెన్ వసూళ్లు రాబట్టింది.
డైరెక్టర్ అనిల్ రావిపూడి, విక్టరీ వెంకటేశ్ కాంబో మ్యాజిక్ మరోసారి హిట్టయ్యింది. వీరిద్దరి కాంబినేషన్లో వచ్చిన సంక్రాంతికి వస్తున్నాం సినిమా థియటర్లలో విజయవంతంగా రన్ అవుతుంది. సంక్రాంతి పండక్కి వచ్చిన ఈ సినిమా రికార్డులు క్రియేట్ చేస్తుంది. కేవలం మూడు రోజుల్లోనే చాలా చోట్ల బ్రేక్ ఈవెన్ వసూళ్లు రాబట్టినట్లు తెలుస్తోంది జనవరి 14న విడుదలైన ఈ సినిమా ప్రేక్షకులను ఆకట్టుకుంటుంది. మూడు రోజుల్లో వచ్చిన కలెక్షన్లను మేకర్స్ అధికారికంగా ప్రకటించారు. కేవలం మూడు రోజుల్లోనే 106 కోట్లకు పైగా గ్రాస్ కలెక్షన్స్ వచ్చాయని.. ఎనీ సెటంర్ సింగిల్ హ్యాండ్ అంటూ కొత్త పోస్టర్ రిలీజ్ చేశారు మేకర్స్. దీంతో సంక్రాంతికి వస్తున్నాం మూవీ మూడు రోజుల్లోనే రూ.100 కోట్ల క్లబ్ లో చేరింది.
సంక్రాంతికి వస్తున్నాం సినిమా మొదటి రోజే రూ.45 కోట్ల గ్రాస్ వసూళ్లు రాబట్టింది. ఈ చిత్రం వెంకీ కెరీర్ లోనే అత్యధికంగా వసూళ్లు రాబట్టిన సినిమాగా నిలిచింది. ఇక రెండో రోజు రూ.32 కోట్ల గ్రాస్ వసూళ్లను రాబట్టగా.. మూడో రోజు మొత్తం రూ.29 కోట్లు కలెక్ట్ చేసింది. మూడు రోజుల్లో ఈ సినిమా ఏకంగా రూ. 106 కోట్ల గ్రాస్ కలెక్షన్స్ వసూలు చేసింది.
డైరెక్టర్ అనిల్ రావిపూడి దర్శకత్వం వహించిన ఈ కామెడీ ఎంటర్టైనర్ లో వెంకీ సరసన ఐశ్వర్య రాజేశ్, మీనాక్షి చౌదరి హీరోయిన్లుగా నటించారు. ఇందులో వెంకీ మామ కామెడీతోపాటు బుల్లిరాజు యాక్టింగ్ మెయిన్ హైలెట్ అయ్యింది. సినిమా విడుదల వరకు అంతగా వినిపించని బుల్లిరాజు పాత్ర పేరు ఇప్పుడు సోషల్ మీడియాలో మారుమోగుతుంది. పక్కా ఫ్యామిలీ ఎంటర్టైనర్ గా వచ్చిన ఈ సినిమాకు ఇప్పటికీ థియేటర్లలో మంచి రెస్పాన్స్ వస్తుంది. ఇక ఈ జోరు చూస్తుంటే లాంగ్ రన్ లో ఈ సినిమా రూ.250 కోట్ల గ్రాస్ రాబట్టేలా కనిపిస్తుంది.
