టాలీవుడ్ ఇండస్ట్రీలో హాస్య నటుడిగా తనకంటూ ప్రత్యేక గుర్తింపు తెచ్చుకున్నారు కమెడియన్ అలీ. దశాబ్దాలుగా ఎన్నో హిట్ చిత్రాల్లో వైవిధ్యమైన పాత్రలు పోషించి నటుడిగా తనదైన ముద్ర వేశారు. తాజాగా ఆయన ఓ వివాదంలో చిక్కుకున్నాడు. ఇటీవల అలీ నటించిన ఓ యాడ్ పై ఓ వర్గం ప్రజలు తీవ్ర అభ్యంతరం వ్యక్తం చేశారు. దీనిపై స్పందిస్తూ ఓ వీడియో రిలీజ్ చేశారు అలీ.
టాలీవుడ్ కమెడియన్ అలీ గురించి ప్రత్యేకంగా చెప్పక్కర్లేదు. తెలుగులో అనేక చిత్రాల్లో వైవిధ్యమైన పాత్రలు పోషిస్తూ తనకంటూ ప్రత్యేక ఇమేజ్ క్రియేట్ చేసుకున్నారు. ప్రస్తుతం చేతినిండా సినిమాలతో బిజీగా ఉన్న ఆయన.. ఇప్పుడు ఓ వివాదంలో చిక్కుకున్నారు. ఇటీవల ఆయన చేసిన ఓ యాడ్ వై ఓ వర్గం ప్రజలు తీవ్ర అభ్యంతరం వ్యక్తం చేశారు. దీంతో సారీ చెబుతూ ఓ వీడియో రిలీజ్ చేశారు. ఇటీవల అలీ ఓ సబ్బుకు సంబంధించిన ప్రకటనలో నటించారు. అందులో సబ్బుకు లక్ష్మీ పూజా చేస్తూ కనిపించాడు. అలాగే బ్యాగ్రౌండ్ లో కొన్ని మంత్రాలు సైతం వినిపించాయి. ఇప్పుడు అసలు వివాదానికి దారి తీసింది. ఈ ప్రకటనపై ఓ వర్గం తీవ్ర అభ్యంతరం వ్యక్తం చేసింది. ఓ వాణిజ్య ప్రకటన కోసం మత విశ్వాసాలను అపహాస్యం చేస్తారా అంటూ ఆయనపై ఆగ్రహం వ్యక్తం చేశారు.
దీంతో సోషల్ మీడియాలో అలీ తీరుపై పెద్ద ఎత్తున విమర్శలు వచ్చాయి. ఈ క్రమంలోనే ఈ వివాదంపై అలీ స్పందించారు. ఎవరైనా ఇబ్బంది పడి ఉంటే క్షమించాలని కోరాడు. అంతేకాదు ఆ యాడ్ కూడా డిలీట్ చేశానని చెప్పారు. ముంబై కంపెనీ వాళ్లు యాడ్ చేయమన్నారని.. దేవుడు చేసిన మనుషులు సినిమాలో తనపై కంపోజ్ చేసిన చిన్న సీన్ ను ఈ యాడ్ కోసం వాడామని.. అయితే తన సన్నిహితులంతా యాడ్ ఇబ్బందిగా ఉందని చెప్పడంతో డిలీడ్ చేశానని చెప్పుకొచ్చారు. ప్రస్తుతం అలీ రిలీజ్ చేసిన వీడియో నెట్టింట వైరలవుతుంది.
సినీ ఇండస్ట్రీలో దాదాపు నాలుగు దశాబ్దాలకు పైగా ప్రయాణం ఉన్న అలీ, ఎప్పుడూ వివాదాలకు దూరంగా ఉంటారు. ఈ క్రమంలోనే ఈ యాడ్ వివాదాన్ని కూడా ఆయన హుందాగా ఎదుర్కొన్నారు. ప్రస్తుతం అలీ వరుస సినిమాలతో బిజీగా ఉండటమే కాకుండా, బుల్లితెరపై తన టాక్ షోల ద్వారా ప్రేక్షకులను అలరిస్తున్నారు.
