సాధారణంగా థియేటర్లలో రిలీజయ్యాకే ఓటీటీలోకి వస్తుంటాయి సినిమాలు. అయితే ఇటీవల నేరుగా ఓటీటీలో విడుదలై సూపర్ హిట్ గా నిలిచిన ఓ సినిమా ఇప్పుడు రివర్స్ లో థియేటర్లలో విడుదలవుతోంది. అదే అక్కినేని సుమంత్ హీరోగా నటించిన అనగనగా. ఇటీవలే నేరుగా ఈటీవీ విన్ లో విడుదలైన ఈ మూవీ అందరి మన్ననలు అందుకుంటోంది
అక్కినేని ఫ్యామిలీ నుంచి వచ్చిన హీరోల్లో సుమంత్ ఒకరు. హిట్స్ ఫ్లాప్స్ తో సంబంధం లేకుండా సినిమాలు చేస్తూ ప్రేక్షకులను ఆకట్టుకుంటున్నాడు సుమంత్. విభిన్నమైన కథలను ఎంచుకుంటూ సినిమాలు చేస్తూ ప్రేక్షకులను మెప్పిస్తున్నాడు. 1999లో వచ్చిన ప్రేమ కథ సినిమాతో హీరోగా పరిచయం అయ్యాడు. రామ్ గోపాల్ వర్మ దర్శకత్వంలో ఈ సినిమా మంచి విజయాన్ని అందుకుంది. 2003లో వచ్చిన సత్యం సినిమాతో క్లాసిక్ హిట్ అందుకున్నాడు. అలాగే ఆతర్వాత వరుసగా సినిమాలు చేస్తూ వస్తున్నాడు. గోదావరి, గోల్కొండ హై స్కూల్, మళ్ళీరావా, సీతా రామం సినిమాలో తన నటనతో ఆకట్టుకున్నాడు సుమంత్. ఇక రీసెంట్ గా అనగనగా అనే సినిమాతో ప్రేక్షకులను విశేషంగా ఆకట్టుకున్నాడు. ఈ సినిమా డైరెక్ గా ఓటీటీలో విడుదలై ప్రేక్షకులను మెప్పించింది. ఎమోషనల్ డ్రామాగా తెరకెక్కిన ఈ సినిమా మంచి రెస్పాన్స్ సొంతం చేసుకుంది.
నేరుగా ఈటీవీ విన్ లో విడుదలైన ఈ మూవీ అందరి మన్ననలు అందుకుంటోంది. పలువురు సినీ ప్రముఖులు, విమర్శకులు కూడా ఈ సినిమాపై ప్రశంసల వర్షం కురిపిస్తున్నారు. పిల్లల చదువు, పెంపకం, తల్లి దండ్రుల బాధ్యత గురించి ఈ సినిమాలో ఎంతో అద్భుతంగా చూపించారని అనగనగా సినిమా యూనిట్ పై ప్రశంసల జల్లు కురుస్తోంది. సన్నీ తెరకెక్కించిన ఈ ఫీల్ గుడ్ ఎంటర్ టైనర్ లో వ్యాస్ పాత్రలో సుమంత్ మరోసారి అదరగొట్టాడు. ఇక ఈ సినిమాలో హీరోయిన్ గా నటించిన నటి గుర్తుందా.? స్కూల్ ప్రిన్సిపాల్ పాత్రలో నటించింది.. ఆమె పేరు కాజల్ చౌదరి.
తమిళ్ సినిమాతో హీరోయిన్ గా పరిచమైన ఈ చిన్నది.. ఆతర్వాత అనగనగ సినిమాతో హీరోయిన్ గా తెలుగు ప్రేక్షకులకు పరిచయం అయ్యింది. ఈ స్కూల్ ప్రిన్సిపాల్ గానే కాదు సుమంత్ భార్యగా.. ఓ బిడ్డకు తల్లిగా అద్భుతంగా నటించింది ఆమె.. అయితే సినిమాలో ఎంతో పద్దతిగా కనిపించిన ఆమె సోషల్ మీడియాలో మాత్రం బీభత్సం అనే చెప్పాలి. సోషల్ మీడియాలో ఈ చిన్నది తన గ్లామరస్ ఫొటోలతో అభిమానులను ఆకట్టుకుంటుంది. ఈ బ్యూటీ గ్లామరస్ ఫోటోలు నెట్టింట తెగ వైరల్ అవుతున్నాయి.
