సాధారణంగా మార్కెట్లో మనకు రెండు రకాల ఉల్లిపాయలు కనిపిస్తుంటాయి. వాటిల్లో తెల్ల ఉలి.. ఎర్ర ఉల్లి.. ఎక్కువగా కనిపిస్తాయి. అయితే వీటిల్లో ఏది ఆరోగ్యానికి మంచిది? వీటిల్లో ఏ రకమైన ఉల్లి కొనాలనే డౌట్ చాలా మందికి వస్తుంది. నిపుణులు ఏం చెబుతున్నారో.. ఏ రకమైన ఉల్లితో ఎలాంటి ప్రయానాలు ఉన్నాయో ఇక్కడ తెలుసుకుందాం..దాదాపు చాలా మంది ఉల్లిపాయలు పెద్ద మొత్తంలో మార్కెట్లో కొనుగోలు చేసి వంట గదుల్లో నిల్వ చేస్తుంటారు. ఉల్లి ఆహార రుచిని పెంచడమే కాకుండా ఆరోగ్యానికి కూడా ఎంతో మేలు చేస్తుంది. అయితే మార్కెట్లో తెల్ల, ఎర్రని రంగుల్లో ఉల్లి కనిపిస్తుంటాయి. వీటిల్లో ఏది ఆరోగ్యానికి మేలు చేస్తుందో చాలా మందికి తెలియదు. చాలా మంది తెల్ల ఉల్లిపాయలను కొనడానికి ఇష్టపడరు. నిజానికి, ఎరుపు, తెలుపు ఉల్లిపాయలు రెండింటిలో రుచి, పోషకాల మధ్య చాలా తేడా ఉంది. అవేంటో ఇక్కడ తెలుసుకుందాం..
తెల్ల ఉల్లిపాయ, ఎర్ర ఉల్లిపాయల మధ్య వ్యత్యాసం ఏంటంటే?
రంగు, ఆకృతిలో మార్పు
ఎర్ర ఉల్లిపాయల లోపలి భాగం లేత గులాబీ రంగులో ఉంటుంది. ఇక తెల్ల ఉల్లిపాయ బయటి భాగం లేత తెలుపు రంగులో ఉంటుంది. లోపలి భాగం పూర్తిగా తెల్లగా ఉంటుంది.
రుచి
ఎర్ర ఉల్లిపాయ రుచి కొద్దిగా ఘాటుగా, కారంగా ఉంటుంది. అందుకే దీనిని సాధారణంగా సలాడ్లు, వంటలలో ఉపయోగిస్తారు. అలాగే, తెల్ల ఉల్లిపాయ రుచి కొద్దిగా తీపిగా ఉంటుంది. దీనిని సూప్‌లు, శాండ్‌విచ్‌లలో ఎక్కువగా ఉపయోగిస్తారు.
